خراب معاشی صورتحال کے باعث پاکستان نے دو ارب ڈالر کے سکوک بانڈز کا اجرا روک دیا، آئی ایم ایف پروگرام میں تاخیر کے باعث سکوک بانڈز جاری نہیں کیے جائیں گے۔

وزارت خزانہ کے ذرائع کا کہنا ہے کہ آئی ایم ایف معاہدے میں تاخیر کے باعث بانڈز کیلئے اچھا رسپانس نہیں ملے گا۔

رواں مالی سال کے دوران 2 ارب ڈالر کے سکوک بانڈز جاری کیے جانے تھے۔

ذرائع کا کہنا ہے کہ زرمبادلہ کم اور ادائیگیوں کا بوجھ بڑھنے کے باعث زیادہ شرح منافع نہیں دیا جا سکتا، ڈیفالٹ کے خطرات کے باعث عالمی مارکیٹ سے اچھا رسپانس نہیں ملے گا۔

ذرائع کے مطابق ریٹنگ ایجنسیز کی جانب سے منفی ریٹنگ کے باعث بھی بانڈز کا اجرا سود مند نہیں ہے۔