لاہور میں سوزو واٹر پارک کے قریب فائرنگ سے 1 شخص جاں بحق جبکہ گولیاں لگنے سے 3 شدید زخمی ہوگئے۔

واقعے کی اطلاع ملتے ہی پولیس اور فرانزک ٹیمیں موقع پر پہنچ گئی ہیں اور زخمیوں کو میو اسپتال پہنچا دیا گیا ہے۔

پولیس کا کہنا ہے کہ فائرنگ کرنے والے ملزم موقع سے فرار ہوگئے۔

ابتدائی تحقیقات کے مطابق یاسین نامی شخص کی کینال روڈ پر سریا اور بلڈنگ میٹریل کی دکان ہے۔

ہیرا نامی لڑکے نے دکان سے کچھ عرصہ قبل خریداری کی تاہم ادائیگی نہیں کی تھی اور آج پیسوں کی ادائیگی کے معاملے پر جھگڑا ہوا۔

ملزم نے فائرنگ کر دی جس کے نتیجے میں یاسین ہلاک، سہیل، واجد اور عابد زخمی ہوگئے۔