کیماڑی کے علاقے علی محمد گوٹھ میں مبینہ زہریلی گیس سے جاں بحق ہونے والوں کی عدالتی احکامات کے بعد جوڈیشل مجسٹریٹ کی موجودگی میں بلدیہ یوسف شاھ قبرستان میں قبر کشائی جاری ہے۔

قبر کشائی کے لئے پولیس سرجن ڈاکٹر سمعیہ سید کی جانب سے میڈیکل بورڈ تشکیل دیا گیا ہے۔ جس میں ڈاؤ یونیورسٹی فارنزک میڈیسن کے ہیڈ ڈاکٹر ذکی الدین، وومن میڈیکل پولیس آفیسر مہک عرفان، میڈیکو لیگل آفیسر سول اسپتال ڈاکٹر گلزار سولنگی، ڈاکٹر عمران اور ڈاکٹر نظام شامل ہیں۔

جاں بحق افراد کی قبر کشائی کرکے پوسٹ مارٹم کیا جائے گا اور سیمپل لئے جائیں گے جبکہ پوسٹ مارٹم کے ذریعے وجہ موت کا تعین کیا جائے گا جسے پولیس تحقیقات کا حصہ بنایا جائے گا۔

واضح رہے کہ کیماڑی میں مبینہ زہریلی گیس سے 15 دنوں میں 18 اموات ہوئی تھیں جس میں بچے بھی شامل تھے۔