نوشہرہ میں کتے کے پلے مانگنے پر فائرنگ سے 1 شخص جاں بحق جبکہ خاتون سمیت 4 زخمی ہوگئے۔

واقعہ خیشگی نامی علاقے میں میں پیش آیا، جہاں ایک شخص کو اپنے پڑوسی کے کتے کے پلے اچھے لگے، تو مانگنے پر تکرار ہوئی اور گولیاں چل گئیں۔

پولیس کے مطابق فائرنگ کُتیا کے بچے نہ دینے پر ہوئی، جبکہ لاش اور زخمیوں کو ڈی ایچ کیواسپتال منتقل کردیا گیا ہے۔

واقعے میں کتے کے پلے مانگنے والا شخص جاں بحق اور کتے کا مالک حمایت اللہ اور خاتون سمیت 4 افراد زخمی ہوگئے۔