نواب شاہ میں کڈھر روڈ پر مسافر کوچ کو حادثہ پیش آیا جس میں ایک نوجوان جاں بحق اور15 افراد شدید زخمی ہوگئے۔

مسافر کوچ کوئٹہ سے حیدرآباد جارہی تھی کہ اچانک روڈ سے اترگئی۔

پولیس کے مطابق حادثے میں ایک نوجوان عطاء اﷲ جاں بحق اور 15 افراد شدید زخمی ہوگئے جب کہ زخمیوں میں خواتین اور معصوم بچے بھی شامل ہیں۔

پولیس کا کہنا ہے کہ زخمیوں کو اسپتال منتقل کر دیا گیا جہاں انہیں طبی امداد فراہم کی جا رہی ہیں۔