نگران وزیراعلیٰ پنجاب محسن نقوی کے نوٹس پر گوجرانوالہ میں ڈکیتی کے دوران خواتین سے زیادتی کرنے والے 3 ملزمان کو گرفتار کرلیا گیا ہے۔

گرفتار ملزمان کی شناخت عامر، ذیشان شانی اورساجد کے نام سے ہوئی ہے، جبکہ عامر اور ذیشان سگے بھائی ہیں۔ ملزمان نے ڈکیتی کی 4 وارداتوں میں خواتین سے زیادتی کی تھی۔

نگران وزیراعلیٰ کا کہنا ہے کہ ملزمان قانون کے مطابق قرار واقعی سزا سے نہیں بچ پائیں گے اور متاثرہ خواتین کو انصاف دلانے کیلئے کوئی کسر اٹھا نہ رکھی جائے گی۔