کاروباری ہفتے کے آخری روز ڈالر کی قیمت میں اضافے کے بعد بڑی کمی دیکھنے میں آئی ہے۔

اسٹیٹ بینک کے مطابق جمعہ کے روز ملکی تبادلہ منڈیوں میں 6.63 روپے کی بڑی کمی کے بعد ڈالر 278 روپے 46 پیسے کی سطح پر بند ہوا ہے۔

اس ہفتے ڈالر کے بھاؤ میں 18 روپے 47 پیسے کا بڑا اضافہ ہوا ہے جب کہ اوپن مارکیٹ میں امریکی کرنسی کی قیمت فروخت 283 روپے ہے۔

خیال رہے کہ گزشتہ روز انٹر بینک میں ڈالر 18.98 اضافے سے 285 روپے 9 پیسے کی بلند ترین سطح پر پہنچ گیا تھا۔