قومی احتساب بیورو (نيب) لاہور نے سابق وزیراعلیٰ اور رہنما پاکستان تحریک انصاف عثمان بزدار کے خلاف گھیرا مزید تنگ کردیا۔

آمدن سے زائد اثاثہ کیس، جائیداديں بنانے کے الزام میں نيب لاہور نے عثمان بزدار اور ان کے اہل خانہ کے نام جائیدادوں کا ریکارڈ طلب کرلیا۔

نيب لاہور نے صوبہ بھر کے ایڈیشنل ڈپٹی کمشنرز ریونيو کو مراسلے جاری کرتے ہوئے 28 فروری تک نيب کو عثمان بزدار کے نام جائیدادوں کا ریکارڈ فراہم کرنے کے احکامات دیئے گئے ہیں۔

واضح رہے کہ آمدن سے زائد اثاثہ جات کیس میں عثمان بزدار حفاظتی ضمانت کے باوجود بھی نیب میں 22 فروری کو پیش نہیں ہوئے۔