پاکستان تحریک انصاف کے چیئرمین عمران خان کی لاہور ہائیکورٹ میں پیشی ناصرف پاکستان بھرمیں موضوع گفتگو بنی رہی، بلکہ بھارتی میڈیا بھی اپنی خبریں بھول کرعمران خان کی کوریج پر لگا رہا۔

بھارتی اینکرزعمران خان کی زمان پارک روانگی سے لاہورہائیکورٹ پہنچنے تک کی موومنٹ پر پل پل کی خبریں دیتے رہے۔

اس حوالے سے بھارتی میڈیا پر رپورٹرزلائیو ہٹس دیتے نظرآئے اور نیوز روم میں بھرپور تبصرے وتجزیے بھی پیش کیے گئے۔

بھارتی چینلزنے لاہور ہائیکورٹ کے باہر جمع ہونے والی پی ٹی آئی حامیوں کو ’ہائی لائٹ‘ کرتے ہوئے کہا کہ عمران خان عوامی سطح پرانتہائی مقبول ہیں اور اگر پاکستانی حکومت انہیں گرفتار کرلیتی ہے تو یہ سپورٹرز اینٹ سے اینٹ بجا کررکھ دیں گے۔

اس حوالے سے پی ٹی آئی ترجمان عبدالصمد یعقوب کا موقف بھی لیا گیاجن کا کہناتھا کہ حکومت عمران خان کو ہرقیمت پرگرفتار کرے گی۔

بھارتی میڈیا نے اس کوریج کے دوران اپنی حکومت جانے کا ذمہ دار امریکا کو ٹھہرانے والا نقطہ بھی خوب اجاگرکیا۔