مسلم لیگ نون کے رہنما کیپٹن ریٹائرڈ صفدر انتشار انگیز تقاریر کے کیس میں عدالت کے روبرو پیش ہوگئے۔

ضلع کچہری لاہور میں مسلم لیگ (ن) کے رہنما اور مریم نواز کے شوہر کیپٹن (ر) صفدر کے خلاف انتشار انگیز تقاریر کے کیس کی سماعت ہوئی۔

کیپٹین (ر) صفدر عدالت کے روبرو پیش ہوئے اور موقف پیش کیا کہ میرے کیس کو 4 سال ہوگئے ہیں لیکن کیس ختم ہی نہیں ہو رہا۔

لاہور: عدالت نے اشتعال انگیز تقریر کے مقدمے میں کیپٹن صفدر پر فرد جرم عائد کردی

عدالت نے ریمارکس دیئے کہ کیپٹن (ر) صفدر کی حد تک کیس علیحدہ کر دیں، پروسیکیوشن کو سن کر آج فیصلہ سنا دیں گے۔

واضح رہے کہ کیپٹن ریٹائرڈ صفدر کیخلاف تھانہ اسلام پورہ میں اشتعال انگریز تقاریر کا مقدمہ درج ہے۔

ایف آئی آر کے مطابق کیپٹن ریٹائرڈ صفدر نے سیشن کورٹ پیشی کے موقع پر ملکی اداروں کے خلاف تقریر کی اور لوگوں کو اکسایا۔