پاکستان تحریک انصاف کے چیئرمین عمران خان نے واضح کیا کہ قوم لاہور ہائیکورٹ کے فیصلے کا خیر مقدم کرتی ہے، قانون کی حکمرانی کے بغیر جمہوریت کا تصور ناممکن ہے۔

سماجی رابطے کی ویب سائٹ ٹویٹر پر اپنے ٹویٹ میں سابق وزیراعظم عمران خان نے کہا کہ قانون کی حکمرانی کے بغیرجمہوریت کا تصور ہی محال ہے اورایک مضبوط، آزاد اور معتبر عدالتی نظام قانون کی حکمرانی کو یقینی بناتا اور دستور کی حفاظت کرتاہے۔

انہوں نے کہا کہ قوم انتخابات کے حوالے سے لاہور ہائیکورٹ کے فیصلے کو خراج تحسین پیش کرتی ہے۔

عمران خان نے مزید کہا کہ آئین کی بالادستی اور نظامِ عدل سے وابستہ امیدیں زندہ کرنے کے لئے قوم عدلیہ کی پُشت پر کھڑی ہے۔