الیکشن کمیشن نے صوبہ پنجاب میں قومی اسمبلی کی 15 نشستوں پر ضمنی انتخاب کے لئے پبلک نوٹس جاری کر دیا۔

الیکشن کمیشن کے 3 فروری کو جاری کردہ شیڈول کے مطابق ریٹرننگ افسران نے پبلک نوٹس جاری کر دیے ہیں۔

صوبہ پنجاب میں قومی اسمبلی کی 15نشستوں پر ضمنی انتخاب 19مارچ کو منعقد کیا جائے گا۔

ریٹرننگ افسران 10 سے 14 فروری تک کاغذات نامزدگی وصول کریں گے، کاغذات نامزدگی کی جانچ پڑتال 18فروری تک مکمل کی جائے گی۔

کاغذات نامزدگی منظور یا مسترد کرنے کے خلاف اپیلیں 22 فروری تک دائر کی جاسکیں گی، امیدواران کی حتمی فہرست 2مارچ کو جاری کی جائے گی۔