سابق وزیراعظم عمران خان نااہلی کیس میں اہم پیشرفت ہوگئی، اسلام آباد ہائیکورٹ نے لارجر بینچ تشکیل دے دیا۔

عمران خان پر مبینہ بیٹی کو کاغذات نامزدگی میں ظاہر نہ کرنے کا الزام ہے، جس میں شہری محمد ساجد نے عمران خان کو نااہل کرنے کی استدعا کر رکھی ہے۔

جس پر اسلام آباد ہائیکورٹ نے لارجر بینچ تشکیل دے دیا، چیف جسٹس عامرفاروق کی سربراہی میں 3 رکنی لارجر بینچ میں جسٹس محسن اختر کیانی اور جسٹس ارباب محمد طاہر لارجر شامل ہیں۔

اسلام آباد ہائیکورٹ نے کاز لسٹ جاری کردی، بینچ 9 فروری کو کیس کی سماعت کرے گا۔