حکومتی اتحادی جمیعت علماء اسلام (جے یو آئی) کے سینیٹر کامران مرتضیٰ نے حکومت سے علیحدہ ہونے کا عندیہ دے دیا۔

جے یو آئی رہنما کامران مرتضیٰ نے سینیٹ اجلاس میں کہا کہ مہنگائی دیکھیں کہاں پہنچ گئی، کیا ہمیں حکومتی بینچز پر بیٹھنا چاہئے؟ کب تک عمران خان کو پیٹتے رہیں گے اور ان کے اقتدار پر تنقید کرتے رہیں گے؟

انہوں نے کہا کہ ہمیں بھی حکومت میں آئے نو دس ماہ ہو گئے، لوگ آٹے کی لائن میں مر رہے ہیں، پیٹرول کہاں پہنچ گیا ہے؟