سابق وفاقی وزیرعلی امین گنڈاپورکی مبینہ آڈیو سامنے آگئی جس میں وہ انورنامی شخص سے انتخابات کیلئے پیسوں کامطالبہ کررہے ہیں۔

مبینہ آڈیو میں علی امین نے کہا کہ الیکشن سر پر ہیں، پی ڈی ایم سربراہ سے مقابلہ ہے ان کی وفاق میں حکومت ہے، ڈونیشن کی ضرورت ہے۔

انہوں نے کہا کہ 16 کروڑ مجھے بھیجوادو جس کے جواب میں انورنامی شخص کا کہنا تھا کہ ہم آپ کو بھجواتے ہیں کیونکہ آج کل فائنانس والے بھی ہماری بات نہیں مان رہے ہیں۔

علی امین کہا کہ یہ رقم ہفتہ پہلے والی ہے یا ابھی کی ہے، جس کے جواب میں انورنامی شخص نے کہا کہ یہ پہلے والی رقم نہیں ہے ابھی کی ہے، پہلے کی رقم حکومت تبدیل ہونے کے بعد سے ایک روپیہ بھی نہیں ریلیز کیا۔