سپریم کورٹ کے جسٹس سردار طارق مسعود نے سائفرکی تحقیقات کے لئے دائر چیمبر اپیلیں سننے سے معذرت کرلی۔

سپریم کورٹ میں سائفر کی تحقیقات کے لئے دائر چیمبر اپیلوں پر سماعت ہوئی ،جسٹس سردارطارق مسعود نے یہ اپیلیں سننے سے معذرت کرلی جس کے بعد اپیلیں واپس چیف جسٹس کو بھجوادی گئیں۔

دوران سماعت جسٹس سردار طارق مسعود نے کہا کہ چیف جسٹس پاکستان سائفر تحقیقات کے لئے ان چیمبراپیل کسی اورجج کے سامنے مقررکردیں۔

سائفرکی تحقیقات کے لئے سپریم کورٹ میں درخواستیں دائرکی گئی تھیں،رجسڑارآفس نے درخواستوں پر مختلف اعتراضات عائد لگا کر واپس کردیا تھا۔

ایڈووکیٹ ذوالفقار بھٹہ، سید طارق بدر اور نعیم الحسن سمیت دیگر نے رجسڑار کے اعتراضات کے خلاف چیمبراپیلیں دائر کر رکھی ہیں ۔