وفاقی وزیر برائے ماحولیاتی تبدیلی شیری رحمان مارننگ واک کے دوران اپنا کندھا تڑوا بیٹھیں۔

ساحل سمندر پر مارننگ واک کے دوران شیری رحمان کا پاؤں پھسل گیا، جس سےان کے کندھے کی ہڈی فریکچر ہوگئی۔ ایکسرے میں ہڈی کے فریکچر ہونے کی تشخیص ہوئی ہے۔

وفاقی وزیر شیری رحمان نجی اسپتال میں داخل ہیں، ڈاکٹرز نے انہیں مکمل آرام کا مشورہ دیا ہے۔

خبر رساں ایجنسی ایسوسی ایٹڈ پریس آف پاکستان (اے پی پی) کے مطابق وزیر اعظم شہباز شریف نے شیری رحمان کی جلد صحت یابی کے لیے دعا کی ہے۔

وزیر اعظم نے وفاقی وزیر کے لیے ہمدردی اور نیک خواہشات کا اظہار کیا۔

انہوں نے شیر رحمان کی جلد صحت یابی کے لیے دعا کی کہ وہ جلد از جلد دوبارہ ذمہ داریاں سنبھال سکیں۔