عوامی مسلم لیگ کے سربراہ شیخ رشید نے کہا ہے کہ گیم چینجرز کی چھڑی الیکشن کو سلیکشن میں بدل دے گی۔

سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ نگراں وزیراعلیٰ پنجاب کی تعیناتی میں اگر الیکشن کمیشن نے ڈنڈی ماری تو پنجاب الیکشن کا قبرستان بن جائے گا، غلطی کی گنجائش نہیں ۔

ٹویٹ میں سابق وزیرداخلہ نے مزید کہا کہ زرداری کی جیب کی گھڑی گیم چینجروں کی ہاتھ کی چھڑی الیکشن سلیکشن میں بدل دے گی، حالات انتہائی سنگین ہیں نہ آٹااورنہ قبرکی زمین میسر ہے ملک خانہ جنگی کی طرف جارہا ہے۔

عوامی مسلم لیگ کے سربراہ شیخ رشید نے کل وطن واپسی کا بھی اعلان کردیا۔