لاہورہائیکورٹ نے عمران خان حملہ کیس کے ملزم نوید کے بھائی اور بھانجے کو بازیاب کروا کے رہا کر دیا۔

لاہورہائیکورٹ کی جسٹس عالیہ نیلم نے ملزم نوید کی اہلیہ کی درخواست پر سماعت کی۔ عدالتی حکم پر آر پی او گوجرانوالہ عدالت پیش ہوئے اور بتایا کہ پولیس نے کسی کو اپنی غیر قانونی تحویل میں نہیں رکھا۔

دونوں بازیاب افراد کودوران سماعت عدالت میں پیش کیا گیا۔

درخواست گزارکے وکیل نے دلائل دیے کہ عدالتی نوٹس موصول ہوتے ہی پولیس نے ان افراد کو رہا کر دیا تھا۔ پولیس نے ملزم نوید کے بھائی شفیق اور بھانجے علی رضا کو غیر قانونی حراست میں رکھا اور ان کی گرفتاری نہیں ڈالی تھی۔

عدالت نے بازیاب ہونے کی بنا پرحبس بے جا کی درخواست نمٹا دی۔