بلدیاتی حلقہ بندیوں کے تنازع پررات گئے گورنرسندھ کامران ٹیسوری نے ایم کیو ایم کو حلقہ بندیوں کی درستگی کی یقین دہانی کروا دی۔

خالد مقبول صدیقی کی قیادت میں ایم کیو ایم کے وفد نے نے رات گئے کامران ٹیسوری سے ملاقات کی، گورنر ہاؤس میں ہونے والی اس ملاقات میں متحدہ وفد کو حلقہ بندیوں کی درستگی کی افہام وتفہیم سے کروانے کی یقین دہانی کروائی گئی۔

ذرائع کے مطابق گورنرکامران ٹیسوری نے سابق صدراورشریک چیئرمین پیپلزپارٹی آصف زرداری سے بھی رابطہ کیا اور ایم کیو ایم کے تحفظات سے متعلق گفتگو کی،

ذرائع کا کہنا ہے کہ بلدیاتی انتخابات ملتوی کرنے کے لیے آرڈیننس آج جاری کیے جانے کا امکان ہے۔

آرڈیننس لانے کیلئے قانون سازی کی جائے گی اور اس حوالے سے وزیراعلیٰ ہاؤس میں آج بڑی بیٹھک متوقع ہے۔ فروغ نسیم، مرتضیٰ وہاب اور ایڈووکیٹ جنرل ڈرافٹ تیار کریں گے جبکہ گورنرسندھ آرڈیننس پردستخط کریں گے۔

پیپلزپارٹی کے دیگر رہنماؤں نے بھی خالد مقبول سے اس حوالے سے رابطہ کیا۔ وزیراعظم شہبازشریف اور فضل الرحمان نے بھی متحدہ قیادت کو فون کر کے معاملے کو افہام وتفہیم سے حل کرنے کا مشورہ دیا۔