موسم سرما کا آغاز ہوتے ہی پاکستان کے بالائی علاقوں نے برف کی سفید چادر اوڑھ لی ہے جن میں برف سے ڈھکے پہاڑوں کی سرزمین اسکردو بھی شامل ہے۔

اسکردومیں جاری تین روزہ شیوک فیسٹول کی تصاویر سوشل میڈیا پر وائرل ہورہی ہیں جس پرصارفین کی جانب سے تبصرے کئے جارہے ہیں۔

میلے کے پہلے دن مہمان خصوصی کینیڈین ہائی کمشنر لیسلی سکینلون تھیں، جو مقامی کھلیوں سے لطف اندوز ہوئیں۔

موسم سرما شروع ہوتے ہی اسکردو میں شیوک فیسٹول شروع ہوتا ہے، جہاں روائتی کھیلوں سمیت تفریحی پروگرامز منعقد کیے جاتے ہیں جس میں سیاحوں کی بڑی تعداد شریک ہوتی ہے۔

سوشل میڈیا پر وائرل تصاویر میں بھی دیکھا جاسکتا ہے کہ میلے میں شریک افراد آئس ہاکی کھیل رہے جس کی خوبصورت تصاویرسوشل میڈیا صارفین کی توجہ کا مرکز بن چکی ہیں۔