پشاور: خیبر پختونخوا کی اپوزیشن جماعتوں نے صوبائی اسمبلی کا اجلاس بلانے کے لئے اسمبلی سیکرٹریٹ میں ریکوزیشن جمع کرا دی۔

صوبے میں بڑھتی بدامنی اور مہنگائی پر بحث پر اسمبلی کی فلور پر آواز اٹھانے کے لئے عوامی نیشنل پارٹی (اے این پی) کے پارلیمانی لیڈر سرادر حسین بابک نے ریکورزیشن جمع کروائی۔

اس ضمن میں سردار حسین بابک کا کہنا ہے کہ ہم صوبائی حکومت اسمبلی اجلاس بلانے کے منتظر تھے تاہم خیبر پختونخوا حکومت آئینی حقوق سے دستبردار نظر آ رہی ہے۔

اے این پی رہنما نے کہا کہ مرکزی حکومت صوبے کو آئینی حقوق دینے سے انکاری ہے جب کہ خیبر پختونخوا اور اس کی عوام کو فٹبال بنا دیا گیا ہے۔