امیر جماعت اسلامی سراج الحق نے مہنگائی کے خلاف ملک گیر تحریک کے آغاز کا اعلان کردیا۔

ایک بیان میں سراج الحق نے پارٹی کارکنان کو اتوار سے ملک بھر میں مظاہرے کرنے کی ہدایت دیتے ہوئے کہا کہ بے حس حکمران اپنی ناکامی کا اعتراف کریں، یہ اپنی عیاشیاں اور پروٹوکول کم کرنےکو تیار نہیں ہیں۔

امیر جماعت اسلامی نے کہا کہ حکمران کو عوام کی کوئی فکر نہیں، ہر شہر میں آٹے کے حصول کے لئے لائنیں لگی ہیں، لہٰذا عوام اپنے حق کے لئے اُٹھ کھڑی ہو، ہمیں آزمائی ہوئی پارٹیوں سے جان چھڑانا ہوگی۔