کراچی سے لاہور جاکر پسند کی شادی کرنے کے کیس میں مبینہ مغویہ کے شوہر ظہیراحمد نے اہلیہ کی کسٹڈی مانگ لی ہے۔

مبینہ مغویہ کے شوہرکا کہنا ہے کہ قانونی اور شرعی شوہر ہوں، شیلٹر ہوم سے کسٹڈی دی جائے اور اہلیہ نے تمام فورمز پر میرے حق میں بیانات دیے ہیں۔

ظہیراحمد کا کہنا تھا کہ مجھے اور میری اہلیہ کو جان کے خطرات لاحق ہیں آئی جی، محکمہ داخلہ کو سیکیورٹی فراہم کرنے کا حکم دیا جائے۔

عدالت نے سیکرٹری داخلہ، تفتیشی افسر، مدعی مقدمہ کو نوٹس جاری کرنے کے ساتھ ہی ڈی جی سندھ چائلڈ پروٹیکشن اتھارٹی، آئی جی سندھ کو بھی نوٹس جاری کیے ہیں۔

عدالت نے فریقین سے 6 جنوری کیلئے جواب طلب کرلیا ہے۔