مسلم لیگ ن کے رہنما عطا تارڑ کا کہنا ہے کہ وزیرآباد واقعے کی جے آئی ٹی غیرقانونی ہے، جے آئی ٹی والے بغیر ایف آئی آر کے لوگوں کو اٹھا رہے ہیں۔

اپنے بیان میں عطا تارڑ نے کہا کہ پولیس نے دو ماہ سے 2 افراد کو غیرقانونی حراست میں رکھا ہوا ہے، غلام محمود ڈاگر اختیارات کا ناجائز استعمال کر رہے ہیں۔

لیگی رہنما کا کہنا تھا کہ غیر قانونی زیر حراست افراد کیلئے ہر فورم پر جائیں گے، پنجاب پولیس بھی لوگوں کو اغواء کر رہی ہے، پنجاب میں اربوں کی کرپشن ہو رہی ہے، کوئی پوچھنے والا نہیں۔

انہوں نے مزید کہا کہ مونس الٰہی اور پرویز الٰہی کے اکاؤنٹس سے اربوں روپے ٹرانسفر ہوئے۔