فیڈرل انویسٹی گیشن ایجنسی(ایف آئی اے) سائبر کرائم سرکل کراچی نے کارروائی کرتے ہوئے فیسبک کے ذریعے کمسن بچے کو ہراسان کرنے میں ملوث ملزم کو گرفتار کرلیا۔

ترجمان کے مطابق گرفتار ملزم محمد اشرف 14 سالہ بچے کو دھمکیاں دے رہا تھا، ملزم کے زیر استعمال موبائل فون کو قبضے میں لے لیا گیا ہے۔

ترجمان ایف آئی اے کا کہنا تھا کہ ملزم کیخلاف پیکا ایکٹ کے تحت مقدمہ درج کرکے مزید تفتیش کا آغاز کردیا۔