بلوچستان کے علاقے کاہان میں کلیئرنس آپریشن کے دوران آئی ای ڈی دھماکے کے نتیجے میں شہید ہونے والے کیپٹن محمد فہد خان کی نماز جنازہ آرمی قبرستان راولپنڈی میں ادا کردی گئی۔

پاک فوج کے شعبہ تعلقاتِ عامہ (آئی ایس پی آر) کے مطابق نماز جنازہ میں چیئرمین جوائنٹ چیفس جنرل ساحر شمشاد اور آرمی چیف جنرل عاصم منیر سمیت اعلیٰ فوجی افسران اور شہید کے ورثاء نے شرکت کی۔

شہید کیپٹن فہد کوپورے فوجی اعزاز کے ساتھ سپرد خاک کردیا گیا۔