پاکستانی اداروں نے کورونا کی کسی بھی نئی لہر سے نمٹنے کے لیے تیاری پکڑ لی۔

کورونا کے حوالے سے قومی ادارہ برائے صحت اور نیشنل کمانڈ اینڈ آپریشن سینٹر (این سی او سی) نے نیشنل ڈزاسٹر مینجمنٹ اتھارٹی (این ڈی ایم اے) کو دی گئی تفصیلی بریفنگ میں بتایا کہ ائیر پورٹس پر سرویلنس بڑھا دی گئی ہے۔

اجلاس کی صدارت چیئرمین این ڈی ایم اے لیفٹینٹ جنرل انعام حیدر نے کی۔

قومی ادارہ برائے صحت اور این سی او سی کی جانب سے بتایا گیا کہ ملک کے ہسپتالوں میں انتہائی نگہداشت کے شعبے فعال ہیں، کورونا وائرس کے نئے سب ویرئینٹ ”BF سیون“ سے کوئی بڑی لہر نہیں آئے گی، پاکستان کی 90 فیصد آبادی کو ویکسین لگ چکی ہے، لوگ محفوظ ہیں۔

اجلاس میں وفاقی اور صوبائی صحت حکام، محکمہ موسمیات اور دیگر اداروں کے نمائندوں نے شرکت کی۔