مسلم لیگ ن کے رہنما حمزہ شہباز شریف کا کہنا ہے کہ اسمبلیاں توڑنا کوئی کھیل نہیں کہ جب جی چاہا توڑ دیں، عمران نیازی پاکستان کو سیاسی اور معاشی عدم استحکام سے دوچار کرنے کے مشن پر ہے۔

اپنے بیان میں حمزہ شہباز نے کہا کہ عمران خان نے اداروں پر جھوٹے الزامات لگا گر اپنی نااہلیوں پر پردہ ڈالنے کی کوشش کی، عمران خان کی ہر چال کا سیاسی، آئینی اور قانونی جواب دیا جائے گا۔

ان کا کہنا تھا کہ مسلم لیگ ن عوام کی طاقت پر بھروسہ کرنے والی جماعت ہے، ہم الیکشن کیلئے ہر دم تیار ہیں۔

انہوں نے مزید کہا کہ ایک شخص کی انا کیلئے ایسے اقدام کا راستہ روکا جائے گا۔