صوبائی وزیر سعید غنی کا کہنا ہے کہ مودی نے کشمیریوں کے حقوق سلب کیے، عمران خان نے کشمیر پر بھارتی حکومت کے غیرآئینی اقدام پر کچھ نہیں کیا۔

کراچی میں پیپلزپارٹی کی ریلی سے خطاب کرتے سعید غنی نے کہا کہ پیپلزپارٹی نے ہمیشہ کشمیریوں کے حقوق کے لیے آوازبلندکی ہے، وزیرخارجہ بلاول بھٹو نے بھارتی چہرہ بے نقاب کیا، پاکستان کا ہرشہری بلاول بھٹو کے ساتھ کھڑاہے۔

انہوں نے کہا کہ آج بھی عمران خان مودی کا سب سے بڑا حامی ہے، اپنی تقریروں میں عمران خان کہتا کہ مودی کی خارجہ پالیسی ٹھیک ہے- آج پاکستان کے لوگ بی جے پی کے غنڈوں کو بتانا چاہتے ہیں کہ پاکستان بلاول کے ساتھ ہے، اگر کسی نے حقیقی طور پر کشمیریوں کا مقدمہ لڑا ہے تو وہ پی پی نے لڑا ہے۔

اس موقع پر سینیٹر وقار مہدی نے کہا کہ جب سے بلاول نے وزیر خارجہ کا عہدہ سنبھالا ہے، بھارت پریشان ہوگیا ہے، جن ممالک سے عمران خان کے دور میں تعلقات خراب ہوئے، بلاول نے ٹھیک کیے۔