کوئٹہ کو دوبارہ ’لٹل پیرس‘ میں تبدیل کرنے کے لئے کام کا آغاز کرتے ہوئے 139 سال پرانے ریلوے اسٹیشن کی تزئین و آرائش شروع کردی ہے۔

پہاڑوں سے گھری وادی کوئٹہ ’لٹل پیرس‘ کے نام سے جانا جاتا تھا لیکن وقت کے ساتھ اِس وادی کی خوبصورتی ماند پڑنے لگی ہے، اسی صورت حال کو دیکھتے ہوئے حکومت نے شہر کی خوبصورتی کو بحال کرنے کے لیے عملی اقدامات کا آغازکیا ہے۔

کوئٹہ میں جا بجا پھول پودے لگانے کے علاوہ اسٹریٹ لائٹس اور سڑکوں کی مرمت کا کام جاری ہے، جبکہ محکمہ ریلوے نے بھی اِس کام میں اپنا حصہ ڈالا ہے۔

سن 1887 میں قائم کیے جانے والا کوئٹہ کا قدیم ریلوے اسٹیشن 1935 کے زلزلے کے بعد دوبارہ تعمیر کیا جارہا ہے، جس کے بعد آج ریلوے اسٹیشن کی تزئین و آرائش پر خصوصی توجہ دی جا رہی ہے۔

سیاحوں کی دلچسپی کو مدنظررکھتے ہوئے پرانے اِنجن شو پیس کے طور پرلگائے گئے ہیں۔

اسٹیشن پراتنی خوبصورتی سے کئے گئے انتظامات دیکھتے ہوئے عوام کا کہنا تھا کے یہ اسٹیشن اب انہیں کراچی ریلوے اسٹیشن کی یاد دلا رہا ہے۔