پاکستان اور انگلینڈ نے آخری ٹیسٹ کے لئے کراچی میں تیاریاں شروع کردیں، دونوں ٹیموں کے کھلاڑیوں نے نیشنل اسٹیڈیم میں بھرپور پریکٹس کی۔

پاکستان اورانگلینڈ کےدرمیان ٹیسٹ 3 میچوں پر مشتمل سیریزکا تیسرا اور آخری میچ کل سے نیشنل اسٹیڈیم میں شروع ہورہا ہے، اس سلسلے میں دونوں ٹیموں کی کراچی میں تیاریاں جاری ہیں۔

پاکستان نے فل اسٹرینتھ کے ساتھ ٹریننگ کی، کپتان بابراعظم اورہیڈ کوچ نے پچ کا جائزہ بھی لیا۔

انگلینڈ نے آپشنل ٹریننگ سیشن کیا اور دوسرا ٹیسٹ نہ کھیلنے والےکھلاڑیوں نے بھی پریکٹس کی۔

قومی ٹیم کے اوپنرامام الحق ہیمسٹرنگ انجری کے باعث انگلینڈ کے خلاف تیسرے ٹیسٹ میچ سے باہر ہوگئے ۔

امام الحق کا کہنا ہے کہ دونوں ٹیسٹ میں غلطیاں کیں جس کی وجہ سے شکست ہوئی ،کراچی کی پچ اسپنرزکوسپورٹ کرے گی۔

یاد رہے کہ 3میچوں کی سیریز میں مہمان ٹیم انگلینڈ کو0-2کی فیصلہ کن برتری حاصل ہے۔

انگلش ٹیم نے راولپنڈی ٹیسٹ میں پاکستان کو 74 رنز اور ملتان ٹیسٹ میں 26 رنز سے شکست دی تھی۔