صادق آباد میں پولیس اور ڈاکوؤں میں مبینہ مقابلہ ہوا جس دوران چند روز قبل اغوا ہونے والے دو پہلوانوں کو بازیاب کرالیا گیا۔

ترجمان پولیس کے مطابق مبینہ پولیس مقابلے میں چند روز قبل اغوا دو مغوی راحیل اور ہاشم کو باحفاظت بازیاب ہوگئے۔

ترجمان کا کہنا ہے کہ ڈاکوؤں نے تھانہ کوٹ سبزل کی حدود سے دو پہلوان اغوا کیے تھے، ڈاکوؤں اور پولیس کے درمیان دو طرفہ فائرنگ کا تبادلہ ہوا، تو ڈاکو مغویوں کو چھوڑ کر فرار ہوگئے۔

مزید کہا کہ ڈاکوؤں نے دونوں مغویوں کو کماد کی فصل میں باندھ کر رکھا ہوا تھا جبکہ پولیس کی جانب سے فرار اغوا کاروں کی گرفتاری کیلئے سرچ آپریشن جاری ہے۔