خیبرپختونخوا میں پاکستان تحریک انصاف (پی ٹی آئی) کے ارکان اسمبلی نے اپنے استعفے تیار کر لئے ہیں، ارکان اسمبلی کا کہنا ہے کہ عمران خان کی ہدایت پر استعفے جمع کرا دیئے جائیں گے۔

پختونخوا اسمبلی کے ڈپٹی اسپیکر محمود جان، خاتون رکنِ اسمبلی آسیہ خٹک نے استعفے تیار کرلئے، جبکہ معاون خصوصی وزیر زادہ نے وزیراعلیٰ کو اپنا استعفا بھیج دیا۔

یہ بھی پڑھیں: پنجاب، پختونخوا اسمبلیاں تحلیل کرنے کے فیصلے کی توثیق

اسمبلی سیکریٹرٹ حکام کا کہنا ہے کہ تاحال کوئی استعفا جمع نہیں کرایا گیا، استعفا جمع ہونے پر قانون کے مطابق کارروائی ہوگی۔

حکام کا کہنا ہے کہ اسپیکر اور ڈپٹی اسپیکر مستعفی ہوجائیں تو ان کی نشستوں پر انتخاب ہوگا۔