پاکستان تحریک انصاف کے حقیقی آزادی مارچ میں شرکت کیلئے پی ٹی آئی کے ممبران کے پی اسمبلی و کارکنان پشاور ٹول پلازہ پر جمع ہونا شروع ہوگئے۔

پی ٹی آئی کارکنان پشاور، خیبر اور مہمند کے قافلے پشاور ٹول پلازہ سے کچھ دیر میں روانہ ہونگے، ملاکنڈ کا قافلہ صبح ساڑھے دس بجے کرنل شیر خان جبکہ صوابی کا قافلہ صوابی ٹول پلازہ سے روانہ ہوگا۔

نوشہرہ کا قافلہ صوابی ریسٹ ایریا سے صبح 11 بجے روانہ ہوگا، ہزارہ کے قافلے ہزارہ موٹروے سے ساڑھے گیارہ بجے روانہ ہونگے، ساؤتھ ریجن کے قافلے براستہ سی پیک شرکت کرینگے۔ مردان سے پی ٹی آئی کے قافلے مردان ٹول پلازہ سے 10 بجے روانہ ہونگے۔

خیبرپختونخوا کے تمام قافلوں کو دوپہر 12:30 بجے تک راولپنڈی پہنچنے کی ہدایت کردی گئی ہے۔

پی ٹی آئی ایم پی اے ارباب جہانداد کا کہنا ہے کہ پرویز خٹک نے ہر ایم پی اے کو 1 ہزار کارکن لانے کی ہدایت کی ہے۔