آرمی چیف جنرل قمرجاوید باجوہ کے اہل خانہ کی جانب سے ٹیکس ادائیگی سے متعلق معلومات لیک ہونے پر فیڈرل بورڈ آف ریونیو کی تحقیقات میں پیشرفت سامنے آئی ہے۔

ذرائع کے مطابق ڈپٹی کمشنران لینڈ ریونیو عاطف نواز وڑائچ اورڈپٹی کمشنران لینڈ ریونیو ظہور احمد کوعہدے سے ہٹا دیا گیا ہے۔

دونوں افسران سے ڈیٹا کے لیک ہونے کے سلسلے میں تحقیقات کی جا رہی ہیں۔

ذرائع کا کہنا ہے دونوں افسران کے لاگ ان اور پاس ورڈ سے ہی مبینہ طور پرڈیٹا لیک ہوا۔

عاطف نواز وڑائچ اورظہور احمد کیخلاف انکم ٹیکس آرڈیننس کی شق 198 اور 216 کے خلاف ورزی کے تحت تحقیقات کی جارہی ہیں۔