اسلام آباد ہائیکورٹ نے بغاوت کا مقدمہ خارج کرنے کی درخواست پر سماعت کرتے ہوئے پی ٹی آئی رہنما شہباز گل کو ٹرائل کورٹ سے رجوع کرنے کی ہدایت کردی۔

اسلام آباد ہائیکورٹ کے چیف جسٹس عامر فاروق نے شہباز گل کی بغاوت کا مقدمہ خارج کرنے کی درخواست پر سماعت کی۔

چیف جسٹس عامر فاروق کا استفسارکیا کہ کیا ٹرائل شروع اور چالان جمع ہوگیا ہے؟ کیا فرد جرم عائد ہو گئی ہے؟ ۔

جس پر اسٹیٹ کونسل نے کہا کہ چالان کی نقول تقسیم ہو چکی ہیں، کل فرد جرم عائد ہونی ہے ۔

عدالت نے درخواست گزار کے وکیل سے مکالمہ کرتے ہوئے کہا کہ چالان جمع ہو چکا آپ ٹرائل کورٹ سے رجوع کر سکتے ہیں۔

بعدازاں اسلام آباد ہائیکورٹ کیس کی سماعت غیر معینہ مدت تک ملتوی کردی ۔