سینئر صوبائی وزیر میاں اسلم اقبال نے کہا ہے کہ حقیقی آزادی مارچ تحریک نہیں،ایک انقلاب ہے، لندن میں بیٹھا عدالتی سزا یافتہ مجرم عوامی لیڈر عمران خان کے مقابلے کا خواب دیکھنا چھوڑ دے-

سینئر صوبائی وزیر میاں اسلم اقبال نے اپنے صوبائی حلقے میں عوامی اجتماع سے خطاب کرتے ہوئے کہاکہ شریف اور زرداری خاندانوں نے ملک کو رسوائی کے سواکچھ نہیں دیا۔

ان کا کہنا تھا کہ ان خاندانوں نےذاتی مفادات کو ملکی مفادات پر ترجیح دی، دونوں خاندانوں کی کرپشن سے ملک بدنام اورکنگال ہوا۔ امپورٹڈ وزیراعظم اپنی کرسی بچانے اور اتحادیوں کو خوش رکھنے کیلئے قومی وسائل ضائع کررہے ہیں۔

انہوں نے مزید کہا کہ جہازی سائز وفاقی کابینہ کی کارکردگی مایوس کن ہے- لندن میں بیٹھا عدالتی سزا یافتہ مجرم عوامی لیڈر عمران خان کے مقابلے کا خواب دیکھنا چھوڑ دے، مفرور مجرم کو قوم کی قسمت کے فیصلے کرنے کا کوئی حق نہیں۔