وزیراعلیٰ پنجاب پرویز الٰہی کا کہنا ہے کہ پنجاب کے بڑے اسپتالوں میں بریسٹ کینسر کے علاج کیلئے سینٹر آف ایکسی لینس قائم کیے جائیں گے۔

وزیراعلیٰ پنجاب سے روش پاکستان لمیٹڈ کے وفد نے ملاقات کی۔

اس موقع پر چودھری پرویز الٰہی نے پنجاب میں بریسٹ کینسر کی مریض خواتین کے مفت علاج کے حوالے سے پراجیکٹ کی منظوری دیتے ہوئے کہا کہ روش کمپنی مفت علاج میں معاونت کریگی۔

وزیراعلیٰ نے کہا کہ سرکاری ہسپتالوں میں بریسٹ کینسر سے بچاؤ اور تشخیص کیلئے خصوصی کاؤنٹرز قائم کیے جائیں گے۔

ان کا کہنا تھا کہ نجی شعبے کے اشتراک سے 37 ہزار لیڈی ہیلتھ ورکرز کو ٹریننگ دی جا رہی ہے۔

پرویز الٰہی نے کہا کہ کسی بھی سٹیج پر کینسر تشخیص ہونے پرمریض کا مفت علاج ہوگا، پھیپھڑوں کے کینسرمیں مبتلا مریضوں کو بھی علاج کی بہترین سہولتیں فراہم کریں گے۔