وفاقی حکومت نے نیشنل اسپورٹس پالیسی پردوبارہ نظرثانی کرنے کے ساتھ ساتھ اسپورٹس فیڈریشنزکے انتخابات کیلٸے الیکشن کمیشن بنانے کا فیصلہ کیا ہے۔

اس حوالے سے وفاقی وزیر احسان مزاری نے کہا کہ انتخابات کیلئے ایک ماہ میں الیکشن کمیشن قائم کردینگے، آصف زمان کو نااہلی پر اسپورٹس بورڈ کے عہدے سے ہٹایا گیا۔

انہوں نے کہا کہ پاکستان فٹبال فیڈریشن کے فوری الیکشن چاہتے ہیں، فیفا میں پاکستان فٹبال فیڈریشن کے 15 ملین ڈالرز پھنسے ہیں، پی ایف ایف کے الیکشن نہیں ہوجاتے یہ فنڈز جاری نہیں ہونگے۔

ان کا کہنا تھا کہ قومی کرکٹ ٹیم نے ورلڈکپ میں بہتر پرفارم کیا، ٹی 20 ورلڈکپ فائنل میں انگلینڈ نے بہترین کارکردگی کا مظاہرہ کیا۔