اقتصادی رابطہ کمیٹی نے یوٹیلٹی اسٹورز پر وزیراعظم ریلیف پیکج جاری رکھنے کی منظوری دے دی۔

ای سی سی نے وزیراعظم پیکج کے تحت خیبر پختونخوا میں سستا آٹا اسکیم جون 2030 تک جاری رکھنے کی بھی منظوری دی ہے۔

وزیرخزانہ اسحاق ڈار کی زیر صدارت ہونے والے اجلاس میں پاکستان اسٹیل ملز کو گیس کی بحالی کی بھی منظوری دی گئی۔

اجلاس میں سوئی سدرن کو اسٹیل ملز کے ذمہ بقایاجات وفاقی حکومت کی جانب سے ادا کرنےکا فیصلہ کیا گیا۔

اقتصادی رابطہ کمیٹی نے وزارت اطلاعات و نشریات کو فلم و ڈرامہ فنانس فنڈ قائم کرنے کے لیے 10کروڑ روپے دینے کا فیصلہ کیا۔

نیشنل کمیشن برائے انسانی حقوق کے لیے 60 ملین روپے جاری کرنے کی منظوری بھی دی ہے۔