ٹی 20 ورلڈ کپ کے فائنل میں پہنچنے والی گرین شرٹس کی ایونٹ میں ناقابل فراموش پرفارمنس کی طرح اس ایونٹ کے دوران شاداب خان کو دل دے بیٹھنے والی خاتون کو بھی شاید ہی کوئی بھولے۔

نیوزی لینڈ سے تعلق رکھنے والی اس خاتون مداح کی ایک اور ویڈیو سوشل میڈیا پروائرل ہے جس میں وہ باؤنڈری کے پاس کھڑے ہوکرمداحوں کو آٹوگراف دینے والے شاداب خان کو انتہائی محویت سے دیکھ رہی ہیں۔

اسی دوران یہ مداح شدت جذبات سے مغلوب ہوکرشاداب خان کے کندھے کو بھی چھوتی ہیں جس کا کرکٹرکی جانب سے کوئی خاص نوٹس نہیں لیا جاتا۔

ساتھ کھڑی خاتون مداح کی دوست بھی اس لمحے سے لطف اندوز ہوتے ہوئے ہنستی دکھائی دے رہی ہیں۔

ویڈیو دیکھنے والے بیشترصارفین نے محظوظ ہوتے ہوئے خاتون مداح سے درخواست کی کہ ازراہ کرم آپ شاداب کوکھیل پرہی توجہ دینے دیں۔

اس سے قبل انہی خاتون کی ایک اور ویڈیو وائرل ہوئی تھی جس میں وہ نائب کپتان شاداب خان کو شادی کی پیشکش کررہی ہیں۔

ٹراؤزر ہاتھ میں پکڑ کرمیڈیا کو تفصیلات بتانے والی اس مداح کا دعویٰ تھا کہ یہ شاداب کا ٹراؤزرہے جو انہوں نے مجھے دیا ہے، وہ بہت اچھے کھلاڑی ہیں اور میں ان سے بہت محبت کرتی ہوں۔

وائرل ویڈیو میں شاداب خان کو اپنا ٹراؤزردیتے ہوئے بھی دیکھا جاسکتا ہے جس پر انہیں تنقید کاسامنا بھی کرنا پڑا تھا۔