پاکستان رینجرز سندھ اور پولیس نے مشترکہ کارروائی کرتے ہوئےغیرقانونی طور پرسندھ میں داخل ہونے والے افغان مہاجرین کو گرفتارکر لیا ہے۔

ترجمان سندھ رینجرز کے مطابق 122 افغان باشندے مبینہ طور پر بلوچستان سے سندھ میں داخل ہو رہے تھے۔

رینجرز اور پولیس کی جانب سے تلاشی اور بائیو میٹرک چیکنگ کے دوران شناختی کاغذات کی پڑتال نہ ہونے اورغیر ملکی شہریت رکھنے پر گرفتار کیا گیا ہے۔

گرفتارہونے والوں میں 89 مرد، 13 خواتین اور 20 بچے شامل ہیں۔

افغان باشندوں کوغیر قانونی داخلے پر قانونی کارروائی اور واپس افغانستان منتقلی کے لیے بلوچستان حکومت کے حوالے کردیا ہے۔