امریکا میں جاری مڈٹرم الیکشن کی ووٹنگ کے بعد گنتی کا عمل جاری ہے، لیکن سامنے آنے والے ابتدائی نتائج ری پبلکنز کی جیت کی طرف اشارہ کر رہے ہیں۔

ابتدائی نتائج کے مطابق ری پبلکنز کو ایوان نمائندگان میں 197 جبکہ ڈیموکریٹس کو 173 نشستوں پر برتری ہے۔

سابق امریکی صدر ڈونلڈ ٹرمپ کے مشیر ساجد تارڑ نے آج نیوز سے خصوصی گفتگو کرتے ہوئے کہا کہ ابھی امریکی وسط مدتی انتخابات کے مکمل نتائج نہیں آئے، جو نتائج آئے ہیں ان سے ظاہر ہوتا ہے کہ جوبائیڈن انتظامیہ بڑی مشکلات میں گھرچکی ہے۔


ان کا کہنا تھا کہ ری پبلکن نے اکثریت حاصل کرلی تو ماحولیاتی تباہی کے حوالے سے امداد روکی جاسکتی ہے، جس سے پاکستان میں سیلاب سے متاثرین کو مشکلات کا سامنا کرنا پڑسکتا ہے۔

اب تک موصسول ہونے والے نتائج کے مطابق امریکی معاشرہ تیزی سے پولارائزیزشن کی طرف بڑھتا ہوا نظر آرہا ہے۔ ایسا لگتا ہے کہ ری پبلکنز، ڈیموکریٹس سے ایوان چھین سکتے ہیں، جبکہ سینیٹ میں بھی ری پبلکنز نے ڈیموکریٹس کو پیچھے چھوڑ دیا ہے۔