وزیراعلیٰ پنجاب چودھری پرویز الٰہی نے سکھ برادری کوباباگرونانک کے 553 ویں جنم دن پر مبارکباد پیش کی ہے۔

انہوں نے کہا کہ بابا گرو نانک کی تعلیمات میں لوگوں کے وقار، مساوی حقوق، بین المذاہب ہم آہنگی کی جھلک ملتی ہے۔

انہوں نے مزید کہا کہ سکھ برادری کو پاکستان میں اپنے عقائد کے مطابق زندگی بسرکرنے کی مکمل آزادی ہے، پنجاب حکومت نے سکھ برادری کو مذہبی رسومات کی ادائیگی کیلئے ہمیشہ بہترین سہولیات فراہم کیں۔

ان کا کہنا تھا کہ کرتارپور رہداری کا قیام بھی سابقہ حکومت کا تاریخی کارنامہ اورسکھ برادری کیلئے تحفہ ہے۔