محکمہ موسمیات نے بتایا کہ رواں سال کا دوسرا مکمل چاند گرہن آج ہوگا جسے پاکستان میں بھی دیکھا جائے گا۔

محکمہ موسمیات کے جاری کردہ اعلامیے کے مطابق پاکستان میں چاند کو گرہن لگنے کا جزوی طور پر مشاہدہ کیا جاسکے گا، جبکہ ایشیا میں بھی دیکھا جائے گا۔

اس کے علاوہ چاند گرہن کو آسٹریلیا، شمالی و جنوبی امریکا میں دیکھا جائے گا ساتھ ہی شمالی اور مشرقی یورپ کے کچھ حصے میں چاند گرہن کو دیکھا جائے گا۔

محکمہ موسمیات کا کہنا ہے کہ 8 نومبر کو پاکستانی وقت کے مطابق چاند گرہن کا آغاز شام 5 بجکر 6 منٹ پرہوگا جبکہ اختتام 5 بجکر 49 منٹ پر ہوگا اور مکمل طور پر اختتام 6 بجکر56 منت پر ہوگا۔