ایران نے یوکرین جنگ سے قبل روس کو ڈرون فراہم کرنے کا اعتراف کرلیا ہے۔

ایرانی وزیر خارجہ حسین امیر کا کہنا ہے یوکرین جنگ کے دوران روس کو ڈرون دینے کا مغربی ممالک کا الزام غلط ہے، یوکرین جنگ سے کئی ماہ قبل روس کو محدود تعداد میں ڈرون فراہم کیے تھے۔

انہوں نے کہا کہ یوکرین کے ساتھ دو ہفتے قبل ایرانی ڈرون کے استعمال سے متعلق الزامات پر بات کرنے پراتفاق ہوا تھا لیکن یوکرین طے شدہ ملاقات سے آخری لمحے پر دستبردار ہوگیا۔

دوسری جانب یوکرینی وزارت خارجہ نے ایرانی وزیر خارجہ کے بیان پر ردعمل سے گریز کیا ہے۔