پاکستان تحریک انصاف کے چئیرمین عمران خان نے توہین عدالت کیس میں التواء کیلئے سپریم کورٹ درخواست دائرکردی۔

سپریم کورٹ میں عمران خان کے وکیل سلمان اکرم راجہ نے درخواست دائر کی۔

درخواست میں کہا گیا ہے کہ موکل تین نومبر کوافسوسناک واقعہ کی وجہ سے اسپتال میں داخل ہے، جس کے باعث توہین عدالت کیس میں جواب جمع کرانا ممکن نہیں۔

درخواست میں عدالت سے استدعا کی گئی ہے کہ مقدمے کو فی الحال سماعت کیلئے مقرر نہ کیا جائے۔

واضح رہے کہ سپریم کورٹ کے پانچ رکنی لارجر بینچ نے عمران خان کو تفصیلی جواب دینے کی ہدایت کررکھی ہے۔