ٹی ٹوئنٹی ورلڈ کپ میں بھارت نے بنگلادیش کو ڈک ورتھ لوئس کے تحت پانچ رنز سے ہرا دیا۔ بنگلادیش کی شکست کے بعد پاکستان کی سیمی فائنل تک پہنچنے کے امکان مزید کم ہوگئے۔

گرین شرٹس اب اپنے دونوں میچز جیت بھی گئے تو بھی انحصار جنوبی افریقا اور بھارت کی اپ سیٹ شکست پر ہوگا۔

جنوبی افریقا نیدر لینڈز سے جیت گیا تو پاکستان کو زمبابوے کی بھارت کے خلاف فتح درکار ہوگی، اس میچ میں اگر بارش بھی ہوگئی تو بھی بوریا بستر گول۔

ٹیم پاکستان اب بہتر کارکردگی کے ساتھ ساتھ معجزے کی بھی منتظر ہے۔