وفاقی وزیر شيرى رحمان نے عمران خان کے مارشل لا لگانے کے بیان کى مذمت کرتے ہوئے کہا ہے کہ جمہوریت پسند سیاستدان اداروں کو مارشل لا لگانے پر نہیں اکساتا، عمران خان چاہتے ہیں وہ اقتدار میں نہیں تو کوئی اور بھی نہ ہو۔

وفاقی وزیر ماحولیاتی تبدیلی سینیٹر شیری رحمان نے اپنے ٹويٹ میں عمران خان کو تنقید کا نشانہ بناتے ہوئے کہا کہ جو سیاستدان 26 سال سیاسی جدوجہد کا دعویٰ کرتا ہے وہ یہ نہیں کہتا کہ مارشل لا لگانا ہے تو لگا دو، عمران خان پوری قوم کو آئین شکنی پر اکسا رہے۔

ان کا کہنا تھا کہ ‏یہ جمہوری اور آئینی نہیں فاشسٹ سوچ کی نشانی ہے، ان کا مقصد ہے ڈیل دو یا مارشل لا لگاؤ، ان کی ”26 سال کی جدوجہد“ صرف چیرٹی کے نام پر پیسے کھانے میں گزری ہے۔